Mininu Di Kriaçon [Portuguese translation]

Ah, ora ki mandurgada iabri si udjus

ki serenu ramelga

N' ta lanta n' dobra nha stera

mininu di kriason pega tarbadju

N' bari kau tudu n' boltia

N' laba kusas tudu n' seka

N' findi lenha nha ombra kansa

N' bana fugu nha udju fuma

N' bai mandadu nha dus pe gasta

N' pembi mininu tok n' kansa

Nha mestra kuma pa falal tia

Si omi oi n' ta ba ta falal tiu!

Kuntangu ke dan oh tok n' ndjua

Ma se mesa mafe ta sobra

Nha tcakual rumpi tok i kaba

kamisa sedu tok i muri

N' ka osa papia n' ka osa kanta

N' ka osa rio n' ka osa tcora

N' ka otca skola nin tarbadju

Te na dia ki n' lanta n' fusi

Ah, ora ki garsas pelikanus

disa bisia bulanha

e lanta pa ba tcur di sol

N' sirbi nha feramenta sia

N' dal bala tok i farta

Pa no bai kaba ku kriason

• Artist:José Carlos Schwarz
• Album:Udjus Ke Odja