Pe supèrbia [Italian translation]

Fòra ‘a fenésta aieresséra stive,

e io pe supèrbia nun te salutaje...

Tu me mannaste a dì ca me vulive,

e io pe dispiétto cchiù me ricusaje...

Me venèttero a ddì ca tu chiagnive,

ma sti llacreme tóje, va’, ’e ssaccio assaje!

Statte cuntènta, ca cuntènta stive,

pènza ca si cchiù ffaie cchiù pèggio faje.

Campagna frésca e vèrde muntagnèlla,

stélle lucènte assai cchiù d’e cannéle,

nzignàteme na fémmena cchiù bèlla

e cchiù fedéle! Sì: bèlla e fedéle!

” Cchiù bèlle - ’a muntagnella me rispónne -

nun ce ne stanno ’e chésta ca tu saje :

p’a mmidia a stéssa luna s’annascónne.

’o sòle stésso se n’annammuraje ..

• Artist:Salvatore Di Giacomo
• Album:Le videopoesie di Gianni Caputo