Smeòrach Chlann Dhomhnuill lyrics

[Seist:]

Hoilibheag hilibheag hò ail il ò

Hoilibheag hilibheag hò ro ì

Hoilibheag hilibheag hò ail il ò

Smeòrach le Clann Dòmhnuill mi.

Smeòrach mis' air urlar Phabuill,

Crùbadh ann an dùsal cadail,

Gun deònachd a théid ni 's faide,

Truimeid mo bhròin thoirleum m' aigne.

[seist]

Smeòrach mis' air mullach beinne,

'G amharc gréin' 'us speuran soilleir ;

Thig mi stòlda chòir na coille,

'S bi mi beò air treòdas eile.

[seist]

Ma mholas gach eun a thir féin,

Ciamar a-réist' nach moladh mise

Tir nan curaidh tir nan cliar,

An tir bhiachar, fhialaidh, mheasail

[seist]

An tir nach caol ri cois na mara,

An tir ghaolach, chaomhach, chanach,

An tir laoghach, uanach, mheannach,

Tir an arain, bhainneach, mhealach.

[seist]

An Cladh Chòthain mise rugadh,

'N Aird-a-Runnair fhuair mi togail,

Fradharc a' chuain uaimhrich chuislich,

Nan stuadh guanach, cluaineach, cluicheach.

[seist]

Measg Chlann-Dòmhnuill fhuair mi m'altrum.

Buidheann nan seòl 's nan sròl daithte,

Nan long luath air chuantan farsuing,

Aiteam nach ciùin rùsgadh ghlas lann.

[seist]

[seist]

• Artist:Julie Fowlis
• Album:Gach Sgeul