Bro gozh ma zadoù [English translation]

Ni, Breizhiz a galon, karomp hon gwir Vro !

Brudet eo an Arvor dre ar bed tro-dro.

Dispont kreiz ar brezel, hon tadoù ken mat,

A skuilhas eviti o gwad.

O Breizh, ma Bro, me 'gar ma Bro.

Tra ma vo mor 'vel mur 'n he zro.

Ra vezo digabestr ma Bro !

Breizh, douar ar Sent kozh, douar ar Varzhed,

N'eus bro all a garan kement 'barzh ar bed,

Pep menez, pep traonienn, d'am c'halon zo kaer,

Enne kousk meur a Vreizhad taer !

O Breizh, ma Bro, me 'gar ma Bro.

Tra ma vo mor 'vel mur 'n he zro.

Ra vezo digabestr ma Bro !

Ar Vretoned 'zo tud kalet ha kreñv ;

N'eus pobl ken kalonek a zindan an neñv,

Gwerz trist, son dudius a ziwan eno,

O ! pegen kaer ec'h out, ma Bro !

O Breizh, ma Bro, me 'gar ma Bro.

Tra ma vo mor 'vel mur 'n he zro.

Ra vezo digabestr ma Bro !

Ra vezo digabestr ma Bro !

Ra vezo digabestr ma Bro !

• Artist:Nolwenn Leroy
• Album:Bretonne