Ddóje de nuvèmbre [Italian translation]

I’ nun saccio pecché, quanno murètte

màmmema bèlla e, cómme a nu stunato,

sulo, a tenérla mènte io rummanètte

appède de lu liétto addenucchiato,

tanno, io nun saccio pecché, nun chiagnètte,

guardànnola accussì, zitto, ‘ncantato,

cómme a na vóta ch’éssa s’addurmètte,

mèntr’ io vicino Ile stéva assettato...

Mo ca fa n’anno ca l'aggio perduta,

mo, mo ca 'nzuónno me sta cumparènno,

mò la necessità nn’aggio sentuta...

E mo mme vène ‘a chiàgnere, e chiagnènno

scéto sti mmura ca ll’hanno saputa,

'nfònno sti ccarte addò stóngo screvènno...

• Artist:Salvatore Di Giacomo
• Album:Le videopoesie di Gianni Caputo