The Barnyards o’ Delgaty lyrics

As I cam' in by Turra merkit

Turra merkit for tae fee

I met in wi' a fairmer cheil

Fae the Barnyards o' Delgaty

Oh linten addie

Oh linten addie

Oh linten lourin

The Barnyards o' Delgaty

He promised the best pair

Ever I set my een upon

Fin I got tae the Barnyards

There wis naethin' there but skin and bone

Oh linten addie, toorin addie

Oh linten addie, toorin ay

Oh linten lourin, lourin lourin

It's the Barnyards o' Delgaty

The auld black horse sat on its rump

The auld fite meer lay on her wime

For a' that I could hup an' crack

She wouldna rise at yokin' time

Oh linten addie, toorin addie

Oh linten addie, toorin ay

Oh linten lourin, lourin lourin

The Barnyards o' Delgaty

Oh aul' Meg Smith, she maks m' brose

And it's wi' her I canna gree

First a knot and syne a mot

And aye anither jelp o' bree

Oh linten addie, toorin addie

Oh linten addie, toorin ay

Oh linten lourin, lourin lourin

The Barnyards o' Delgaty

Fan I gang tae the kirk on Sunday

Mony's the bonnie lassie I see

Sittin' by her faither's side

An' winkin' ower the pews at me

Oh linten addie, toorin addie

Oh linten addie, toorin ay

Oh linten lourin, lourin lourin

The Barnyards o' Delgaty

Noo I can drink an' no be drunk

I can fecht and no be slain

I can sleep wi' anither man's wife

An' aye be welcome tae my ain

Oh linten addie, toorin addie

Oh linten addie, toorin ay

Oh linten lourin, lourin lourin

The Barnyards o' Delgaty

But noo m' caunle is brunt oot

It's splutterin' fairly on the wane

Oh fare ye weel, ye Barnyards

Ye'll nivver catch m' here again

Oh linten addie, toorin addie

Oh linten addie, toorin ay

Oh linten lourin, lourin lourin

The Barnyards o' Delgaty

• Artist:Old Blind Dogs