swer ze der minne ist so fruot [German translation]

Swer ze der minne ist sô fruot,

daz er der minne dienen kan

und er durch minne pîne tuot,

wol ime derst ein sælic man.

von minne kumt uns allez guot,

diu minne machet reinen muot.

waz solt ich sunder minne dan?

Ich minne die schœnen sunder danc.

ich weiz wol ir minne ist clâr.

ob miniu minne ist kranc,

sô wirt ouch niemer minne wâr.

ich sage ir mîner minne danc.

bî ir minne stât mîn sanc.

erst tump swers niht geloubet gar.

• Artist:Heinrich von Veldeke